LTO agent nangilkil tiklo

CEBU, Philippines - Nasikop  ang  usa  ka  ahente  sa Land Transportation Office human masakpi  sa akto  nga  nangilkil  og  P8 mil  gikan  sa  drayber sa motorsiklo  sa miaging  Martes  sa gabii.

Ang  suspetsado  nga si Engilbert Caumeran, 36,  taga V. Rama Ave. nasikop  pinaagi  sa entrapment  operation  nga  gilusad sa City Intelligence  Branch (CIB)  didto  duol  sa iyang  pinuy-anan

Ang  pagkasikop  sa suspek  nahimo  human  moreklamo  si Antonio Barello, 39, nga  gikilkilan  siya  og  P8 mil  sa suspetsado  human  siya  hidakpi  nga  nakalapas  sa mga balaod  sa trapiko samtang  nagsakay  siya  sa iyang  motorsiklo  didto   sa Echavez St.  barangay  Lorega  San Miguel  niadtong  Sabado  pasado alas 9:00  sa gabii.

Una itunol  sa biktima  ang  P8 mil  ngadto  sa suspek  misumbong  una  kini  ngadto  sa mga  operatiba  sa CIB kinsa  milusad dayon og entrapment operation ug  nakasakop  sa akto  dihang  gidawat  sa suspek  ang  kuwarta  gikan  sa biktima. Sa pagkakaron gibalhug  sa prisohan  ang  suspek  ug kasong  extortion  maoy  ipasaka batok kaniya. (BANAT NEWS)