Sedition Law
1901—Gipasar sa Amerika ang Sedition Law dinhi sa Pilipinas nga nagdili sa si bisan kinsang tawo o pundok nga mohimo og mga kalihokan, pagpakatap og mga pamahayag kabahin sa paninguha sa mga Filipino nga makabaton og kaugalingnan. Ang maong Sedition Law o Law Against Treason, Sedition, Etc. Act No. 292 giisip nga maoy babag sa kalihokan sa mga Filipino. Matud pa sa maong balaod samtang dili pa opisyal nga iproklamar sa Amerika natapos na ang gubat o insureksyon tali sa mga Filipino ug Amerika maisip nga salaod ang bisan unsang pagkatap ug paghisgot kabahin sa kagawasan sa mga Filipino. Naglakip sa gidid-an mao ang prensa, ug bisan na pagpakatap lang og papel nga nagtuki sa kagawasan sa Pilipinas gidili usab. Bisan ang mga artista sa teatro nga nagpasundayag ug may tema kabahin sa panaogdaog sa mga langyaw sa mga Filipino gidakop ug gisilotan subay sa maong balaod.
Pres.Carlos P.Garcia
1896—Natawo ang ikawalong nahimong pangulo sa Pilipinas nga mao si Presidente Carlos Polistico Garcia. Siya natawo sa Talibon, Bohol. Siya usa ka magtutudlo, magbabalak. Orator, abogado, political economist ug nahimong lider sa mga guerilla. Siya mao ang bise presidente sa namatay sa plane crash sa Mt. Manunggal sa Cebu nga si Presidente Ramon Magsaysay ug maoy nanumpa atubangan ni Chief Justice Ricardo Paras diha sa Malacañang. Sa administrasyon ni Garcia gipatuman ang daghang reporma nga naglakip sa “Filipino First Policy” nga nagdasig sa mga negosyo nga pilion ang mga ginama sa mga Filipino nga mga produkto nungka mga imported. Siya usab ang mihingusog sa retail enterprise sa mga Filipino. Siya namatay niadtong Hunyo 14,1971 sa sakit sa kasingkasing. Siya mao ang labing unang pangulo sa nasud nga gilubong sa Libingan ng mga Bayani.