Anti-Cybercrime Law nakalapas sa tawhanong katungod
CEBU, Philippines - Gihulagway ni Loreta Rosales, chairperson sa Commission on Human Rights ang Republic Act 10175 o Cybercrime Prevention Act of 2012 usa ka paglapas sa tawhanong katungod tungod sa pipila ka probisyon niini.
Gikahimuot hinuon niya ang pagpagawas og temporary restraining order (TRO) sa Korte Suprema sa pagpahunong sa implimentasyon niini sulod sa 120 ka adlaw.
“The issuance of TRO strengthens the call for the strong amendments of some provisions of the said law,” si Rosales miingon.
Ang TRO gipagawas tungod sa unanimous decision sa mga hukom sa Korte Suprema. Matud ni Rosales nga ang on-line libel provision usa ka paglapas sa freedom of speech and freedom of information tungod kay pwede naman makasuhan ang tawong maka-post og bati diha sa internet.
Gilaraw ni Rosales nga mohatag og pahimangno sa mga tunghaan, sa media ug sa mga publikong opisina kabahin sa ilang mga tawhanong katungod.
Si Remedios Ignacio-Rikken, chairperson sa Commission on Women miingon nga kinahanglan ang mogamit sa internet responsable. (BANAT NEWS)
- Latest
- Trending
