Batuhan miprotesta batok e-Libel

CEBU, Philippines - Miapil na sa kawsa uban sa mga bloggers sa Cebu ang Sugbuanong kandidato sa pagkakongresista nga nag-awhag sa mga magbabalaod nga i-review pag-usab ug usbon ang kontrobersyal nga Anti-Cybercrime Law nga bag-ohay pang gipatuman.

"The law was haphazardly done. There is even something wrong with the phrase 'cybercrime offenses' in the law," matud pa ni kanhi transportation and communication Usec Aristotle 'Totol' Batuhan.

Si Batohan nga modagan sa south district sa pagka-kongresista nagsuot og itom nga t-shirt nga may printing "No to e-libel," dihang kini nakighinabi sa mga tigbalita human sa iyang pag-file sa iyang kandidatura niadtong Biyernes.

Ang RA 10175 gihulagway sa mga internet users ug sa ubang mga sektor nga usa ka matang sa cyber martial law tungod sa mga probisyon niining giingong nakalapas na sa batakang katungod sa pagpadayag sa mga Filipino.

Niadtong Oktubre 4, ang Cebu Bloggers Society pinangulohan ni Ruben Licera misang-at og petition for certiorari and prohibition ug ang aplikasyon sa pagpa-isyu og temporary restraining order (TRO) ngadto sa Korte Suprema nga mikwestyon kung nahasubay ba gyud sa Konstitusyon ang Cybercrime Prevention Act.

"Bloggers and netizens – citizens who have and who actively use their internet access – raise the alarm over a newly-signed and newly-enacted law violating their individual and collective rights, and destroys the idea and reality of the Internet as an open public forum and marketplace of ideas," matud pang Licera.

Ang Cebu bloggers ug Batuhan naghiusa sa protesta pinaagi sa online ug offline batok sa maong balaod sukad pa niadtong milabay’ng semana. Si Batuhan nagkanayon nga pabor siya sa pag- decriminalized sa kasong libelo ug iyaha kining iduso ngadto sa Kongreso kung mahatagan og kahigayonang mapili sa south district.

"I was surprised to read the provision on libel online or e-libel when the law was approved by the bicameral committee. The libel provision was not included in the earlier version. And it was clearly not well-thought out. I hope that with the nationwide outburst of protests, the law would be amended before the end of 2012. It does not have to reach the next Congress," matud pang Batuhan.

Si Batuhan midugang nga kining balaora kinahanglang magpatimaan sa mga botante nga ang Kongreso nagkinahanglan og mga magbabalaod nga nakasabot sa modernong panahon sama sa social media, Facebook, blogs, ug Twitter ug kinahanglang ang mga sakop niini dili mga komitiba sa mga dili maningog. (/EIM)(BANAT NEWS)