Biyuda ni Robredo nga si Leni mi-file og COC

CEBU, Philippines - Bisan sa pagduhaduha mi-file og certificate of candidacy ang biyuda ni anhing interior secretary Jesse Robredo nga si Leni Robredo sa ilang distrito sa Camarines Sur ilawom sa tiket sa Liberal Party.

Si Leni kinsa usa ka abogado sa interbyu kaniya sa ANC kagahapon sa hapon nagkanayon nga naglisod gyud siya sa pag-esplikar nganong gidawat niya ang maong hagit nga giisip nang hagit usab sa tibuok niyang pamilya.

Sumala pa ni Leni nga bisan ang iyang mga anak naglibog ug naguol sa pagkandidato niya sa pagka-kongresista. Matud pa nga duna nay lama ang kalig-on sa LP diha sa Camarines Sur tungod sa pag-atbangay sa mga pareho ra nilang kapartido sa usa ka posisyon.

Ug tungod sa nakitang kahuyang na sa mga kandidato sa LP base sa resulta sa mga surveys nga diin bisan mipadayag na siyang dili gyud mokandidato apan mitumaw nga nag-una hinuon sa survey napugos sa pagdawat si Leni sa hagit nga siya na lang maoy padaganon sa maong posisyon.

Matud pa ni Leni wala siya masayod kung sakto ba ang iyang desisyon nga modagan bisan pa man nga iyaha kining gipahinungod ngadto sa namatay niyang bana ug aron pagpalig-on sa partido LP. (BANAT NEWS)