May reklamo ka?
CEBU, Philippines - Gipahimangnoan sa Land Transportation Franchising and Regulatory Board (LTFRB) ang operators sa pampublikong mga sakyanan nga magbutang gyud og “May Reklamo Ka? Tawag sa LTFRB # 231-6211” sa ilang mga sakyanan.
Ang regional director sa LTFRB-7 nga si Ahmed Cuizon sa text message nga gipadala dinhi sa Banat Manobela nagkanayon nga ang mga pampublikong sakyanan susama sa jeepneys, taxi, v-hires, truck-for-hires, buses, minibuses ug tanang public utility vehicles (PUV) nga mosunod gyud sa maong lagda sa buhatan.
Pasabot pa ni Cuizon nga kun ugaling dili motuman ang mga drayber sa maong lagda mamahimo silang makabayad og multa nga P1,000.
“Likayi ang multa nga 1K pinaagi sa pagtuman sa lagda sa LTFRB kabahin sa pagmarka sa inyong sakyanan nga pampasahero og “May Reklamo Ka?, Tawag sa LTFRB # 231-6211,” matud pa ni Cuizon. Sumala pa ni Cuizon usa kini sa pangitaong rekisitos ini unya og renew sa prangkisa sa matag pasaheroan ug kung wala niini paigo na kining rason aron dili kini i-renew.
“Yes, if they fail to comply up until their annual registration period (e.g. plate numbers ending in 1 for January, 2 February, 3 for March and so on) they will not be allowed to register. Ergo, they cannot operate anymore,” bahad pa ni Cuizon.
Matud pa ni Cuizon nga mamahimo kining ibutang sa kilid o luyo nga bahin sa mga pampublikong sakyanan. Tumong sa LTFRB nga makaabot dayon sa ilang buhatan ang reklamo batok sa mga hiwing binuhatan sa mga drayber . (BANAT NEWS)
- Latest
- Trending
