CEBU, Philippines - Giklaro ni Cebu Archbishop Jose Palma nga misuporta ang simbahan sa pag-ban sa ivory kay sigun pud ni sa doktrina sa Simbahan ug misuporta pud ang Simbahan sa pagpatuman sa gobiyerno sa Presidential Decree 1979 ug sa Convention on International Trade in Endangered Species.
Gani giangkon ni Palma nga usa siya sa mga co-signatory sa People for the Ethical Treatment of Animals “Free Mali” movement maong nasayod siya niini. Ang reaksyon ni Palma mahitungod kini sa isyung gikalambigitan ni Msgr. Cristobal Garcia kinsa maoy gitumbok karon sa usa ka magazine nga giingong collector og ivory o tango sa elepante.
“The Church does not condone ivory smuggling or other illegal activities, although in the past, ivory was one of the materials used in the adornment of liturgical worship. While these ivory artifacts crafted long before the ban are considered the cultural heritage of the Church, in no way does he encourage the use of ivory for new implements,” pag-angkon pa ni Palma.
Matud pa ni Palma nga ang gipagawas nga estorya sa National Geographic Magazine kinahanglan gyud nga tun-an tungod kay nagpakita kini og bias batok sa mga relihiyon.
“There is a bias and religiosity in the since that he puts it in a rather bad light. I should explain that practically all of us must have icons. On a personal note, it will not lessen the devotion to Sto. Niño. I’d like to imagine that perhaps there will be more Filipinos next year who will be coming,” dugang ni Palma.
Base sa artikulo sa National Geographic magazine, giangkon ni Msgr. Cristobal Garcia nga aduna siyay religious artifacts nga ginama sa ivory nga gi-smuggle.
Giawhag ni Palma ang publiko nga di na mopalit og mga religious artifacts nga ginama sa ivory. Giklaro pud ni Palma ang pasangil sa tagsulat sa maong artikulo kabahin sa giingong pagsimba sa mga Filipino sa mga rebolto.
“While it is true that icons are venerated by us, because through them we are able to tangibly express our faith in God and our devotion to the saints, in no way does the Church teach these icons are in fact God Himself or the saints themselves,” pasabot pa ni Palma. (BANAT NEWS)