CEBU, Philippines - Si Padre Carmelo Diola sa Dilaab Foundation kinsa maoy usa sa guests speaker sa gipahigayong Political and Media Forum niadtong milabay’ng Biyernes miawhag sa mga botante nga botaran ang mga maayong kandidato.
Ang maong forum nga gipasiugdahan sa The Freeman ug Banat News kabahin sa kalihukan sa Press Freedom Week 2012 nga gisaulog sa mga media sa tibuok Sugbo.
Matud ni Diola nga dunay mga maayong kandidato apan walay saktong pundo sa ilang kampanya nga angayang paluyohan sa katawhan. Gidasig niya ang mga botante nga konsensiya maoy gamiton sa ilang pagpili ug dili presyo sa ilang mga boto. Giawhag usab niya ang kabataan nga bisan dili pa makabotar motabang sa pagpaniid. Matud pa niya ang mga ginikanan kinahanglang motahod sa baruganan sa ilang mga anak sama nalang sa dili pagdawat og mga kwartang gikan sa mga politiko. (BANAT NEWS)