Tulo napusilan sa Consolacion

CEBU, Philippines - Tulo ang angol sa pagpamusil kagahapon sa buntag sa Barangay Poblacion Occidental, Consolacion alas 11:00 sa buntag. Kritikal karon ang kahimtang ni Ian Fajardo, 32, dispatser sa habal-habal human kini makaangkon og samad pinusilan sa iyang walang mata nga ang bala milapos sa ulo niini. Apan napagan usab sila si Mayolito Jodilla, 35, taga-Barangay Tugbungan, nga nakaangkon og samad pinusilan sa walang bukton niini ug si Fedilyn Bucol, 32, taga-Barangay Pulpugan, nga adunay samad sa tuong hawak.Ang mga biktima daling gidala sa Don Vicente Sotto Memorial Medical Center sa Cebu City.Matud ni SPO3 Roy Susvilla, ang wala mailhing mamumuno nagsakay og motorsiklo ug miduol sa biktima ug kalit namusil. Nakuha sa crime scene ang usa ka bala sa .9mm pistol, usa ka empty shell ug usa ka deformed slug sa lugar. Giingong dunay gikaaway dili palang dugay si Fajardo ug mao karon ang gitutukan sa imbestigasyon. (BANAT NEWS)