Ginang sikop sa buy-bust sa Cordova

CEBU, Philippines - Nadakpan sa buy -bust operation ang usa ka ginang nga gitumbok nga notadong mamaligyaay og gidiling drugas diha sa barangay Dapitan sa lungsod sa Cordova niadtong Miyerkules sa alas 8:50 sa gabii.

Ang nadakpan mao si Jovelyn Cabido Berdin,40, nagpuyo ra sa maong lugar samtang nakaipsot ang gidudahang mga kostumer niini human makabantay sa pag-abot sa mga polis.

Matud ni PO2 Jose Garcia sa Cordova Police Station dihang nahinabi sa Banat News ang kapulisan nakadawat og impormasyon may labot sa pagpamaligya og gidiling drugas sa suspek sa maong lugar nga display kaayo sa publiko.

Ang hepe sa kapolisan sa Cordova nga si Chief Insp. Alvin Ballo mimando dayon og buy- bust operation batok kang Berdin kinsa ilang nadakpan ug nakuhaan og duha ka paketeng may sulod nga gidudahang shabu. (BANAT NEWS)