Santiago misuway'g babag sa appointment ni Roxas

CEBU, Philippines - Taliwala sa pagpangugat ni Sen. Miriam Defensor-Santiago nga babagan ang kompirmasyon sa pagkatudlo ni kanhi DOTC Sec. Mar Roxas isip bag-ong DILG Secretary, kalit lang usab kini nalumoy ug mibakwi sa maong pagbabag human mohangyo kaniya ang mga kauban niyang senador.

Kagahapon sa hapon, atol sa gihimong plenary session, hugot nga gituboy ni Comitteee on Local Government Chairman Sen. Tito Sotto ang paglingkod ni Roxas isip DILG Secretary, dihang gibabagan kini ni Santiago.

Apan dihang gihangyo kini si Sotto, gibawi usab dayon sa senadora ang iyang pagbabag ug miuyon na siya sa appointment ni Roxas sa maong posisyon. Si Roxas sa iyang bahin mipasalig nga iyang ihatag ang serbisyo nga gikinahanglan sa katawhan. (BANAT NEWS)