Gwen mibubo og hinabang sa Alcoy

CEBU, Philippines -  Mikabat sa P2.686 milyones ang balor sa financial assistance ang gitunol ni Governor Gwendolyn Garcia ngadto sa lungsod sa Alcoy   sa iyang pagduaw sa miaging adlaw.

Uban sa gobernador mao si One Cebu Party Gubernatorial Candidate nga si 3rd District Cong. Pablo John PJ Garcia, Vice Gubernatorial Candidate Boboy Durano, 2nd district representative Candidate Pablo Garcia

Sa maong kantidad , P800 mil niini ang gigahin alang sa mga nagkadaiyang proyekto sa 8 ka barangay sa nahisgutang lungsod sama sa pagpaayo sa Barangay Hall, pagtukod sa Day Care Center, Health Center ug uban pa.

Samtang kapin sa P1.8 milyones ang naangkon sa lungsod sa Alcoy alang sa ilang eco -tourism project sa Nug-as, livelihood project sa 8 ka barangay, construction sa Senior Citizen Building ug Restroom.

Subay niini gipadayag ni Alcoy Mayor Nick Delos Santos sa dako nilang pasalamat kang Gobernador Garcia ug sa kaubanan niini.

Samtang gipahayag usab sa presidente sa Association of Barangay Council sa nahisgutang lungsod nga si konsehal Domingo Carungay ang ilang makanunayon nga suporta sa mga Garcia. (BANATNEWS)