Bus misungag sa trak pito angol

CEBU, Philippines - Pito ka tawo ang nangaangol sa mga pasahero sa bus pasaheroan nga naglakip sa duha ka batang babaye dihang gidaro sa ilang bus ang nagparking nga ten wheeler truck sa highway sa barangay Inuburan sa siyudad sa Naga kagahapon sa alas 4:45 sa kaadlawon.

 Ang bus nga nalambigit sa disgrasya gipanag-iya sa Ceres Bus Liner nga dunay plakang RHR-457 nga gimaneho ni Antonino Endino, taga siyudad sa Mandaue. Lakip sa giimbestigar sa kapolisan ang drayber sa trak nga si Gary Panilagao, taga Tinaan sa mao gihapong siyudad.

Tungod sa kakusog sa pagbangga maayong pagkagusbat sa unahang bahin ug sa walang kilid sa maong bus nga daw nalangkat.Giila ang mga naangol mao sila si Rita Remonida, 34, taga Argao ug ang iyang duha ka anak nga sila si Charice, 13, ug Raysa, 11, laing nangaangol mao sila si Derilos Javier,23, taga lungsod sa Argao, Lendon Magno, 30, taga Balud, Dalaguete, Cristina Owakan, 35 , taga lungsod sa Tuburan ug Oscar Ong, 60, taga lungsod sa Sibonga.

Matud ni PO1 Jason Panilag sa Naga City Police Station dihang nahinabi sa Banat News gikan sa Bato, Oslob ang bus ug paingon sa siyudad sa Sugbo nga dunay 21 ka pasaherong sakay.Apan pag-abot sa maong dapit napunggit niini ang giparking nga trak nga padulong pud unta sa dakbayan sa Sugbo. Wala pa matino kung nganong giparking ni Panilagao ang trak sa maong dapit.

Matud ni Panilagao sa naharos og kaigo ang mga pasaherong naglingkod sa walang mga lingkuranan ug gipangdala sa South General Hospital sa maong lugar samtang ang drayber sa bus gitanggong sa kapolisan.

Kini miangkong wala niya dayon mabantayi ang maong trak apan gibasol niya ang drayber sa trak nga wala magbutang og early warning device nga maoy gimando sa Land Transportation Office niadtong mga sakyanan nga magkaaberya ug iparking sa daplin sa dalan aron mabantayan sa ubang mga motorista.  (/EIM)(BANATNEWS)