CEBU, Philippines - Giaprobahan sa Hunta Provincial sa lalawigan sa Sugbo sa ikaduhang pagbasa ang ordinansa ni 6th district board member Arleigh Jay Sitoy sa pag-institutionalize sa Suroy Suroy Sugbo.
Atol sa pagpresentar ni Sitoy ngadto sa Provincial Board iyang gipadayag sa mga representante sa mga mayor nga maayo ang resulta sa nahisgutang programa ni Governor Gwendolyn Garcia pagpalambo sa turismo ug negosyo. Gikatakda ang hingpit nga pag-aprobar sa nahisgutang ordinansa human sa pipila ka mga kausaban niini. Gitinguhang himuon na gyud kining permanenteng kalihukan sa lalawigan matag tuig.
Gawas pa niini, ang maong programa nakapalagsik sa mga kalungsoran nga ipakita ang ilang mga abot ug kultura ngadto sa mga bisita ug nagpailaila sa mga dapit aron kini masuroy sa mga lokal ug langyaw’ng turista (/EIM)(BANATNEWS)