Mipatay sa papa nagbasol

CEBU, Philippines - Pwerting nakahilak ni Junmie Barbero sulod sa prisohan nga nagbasol sa iyang pagpatay sa iyang amahan nga si Romeo Barbero 50, niadtong Domingo sa gabii didto sa ilang balay sa barangay Kahumayan, dakbayan sa Danao.

Matud pa niya nga wala niya tuyoa ang pagpusil sa iyang amahan sa maong higayon.

Ang suspek kinsa nagtingkagol na karon sa prisohan mibutyag sa Banat News nga naglayog sila ug ang iyang amahan dihang kalit lang mibuto ang iyang armas nga igo lang unta niyang gipanghulga sa biktima sa maong higayon aron kini mokalma sa pagpanghagis sa iyang inahan.

Samtang si SPO1 Brayan Batiquin, imbistigador sa Danao City Police Station nagkanayon nga gipaabot pa nila nga may kabanay nga mopasaka og kaso batok sa suspek. - /WC (BANAT NEWS)