2 nasikop kay nanunggab

CEBU, Philippines - Duha ka lalaki kinsa nasakpang nagluklok og kutsilyo nabalhug sa prisohan human masikop sa kapolisan sa dakbayan sa Talisay sa miaging hapon.Ang mga suspetsado nailhan nga sila si Joselito Tagapan, 21, nga taga barangay Lawaan III, ug si Bryan Econas, nga taga Camp 3, barangay Jaclupan, pulos sa dakbayan sa Talisay.

 Unang nasikop si Tagapan kinsa suspetsado nga midunggab sa iyang silingan nga si Ryan Elladora, 19.Si Elladora samdan sa   walang kamot   nga maoy iyang gisagang sa kutsilyo ni Tagapan nga giluba kaniya . 

Si PO1 Kristian Edward Mercado nga nadestino sa Police Regional Office (PRO) kinsa nakasaksi   sa hitabo maoy misikop kang Tagapan nga diha sa akto nga nagkupot sa 12 pulgadas nga kutsilyo. Sa imbestigasyon sa kapolisan si Tagapan giingong hubog sa maong higayon.Samtang si Econas, nasakpan usab ni PO2 Ernesto Silva Jr. nga milanit sa iyang kutsilyo atubangan sa gikaaway niya nga si Ernesto Silva Sr. , ang amahan ni PO2   Ernesto Silva Jr. gumikan sa pagkawagtang sa bateriya sa sakyanan sa naulahi. 

Apan matud pa dihang gikomprontasi ni Silva, giingong mihiwasa sa kasuko ang suspetsado dayong lanit saiyang kutsilyo nga miharong kang Silva.Nataymingan usab nga miabot si PO2 Silva Jr. busa gisakmit ang kutsilyo sa suspetsado ug gidala kini ngadto sa Talisay City Police Station ug gibalhug sa prisohan.Ang tukmang mga kaso batok sa duha ka dinakpan gisangat na sa kapolisan batok kanila. (BANATNEWS)