Naghikog gumikan sa sakit nga kidney

CEBU, Philippines - Patay nang nakitan sa asawa ang iyang bana kinsa naghikog   kay wala na kaagwanta sa iyang sakit nga kidney sulod sa ilang pansayan sa pinuyanan niini sa Sitio Sumbria, barangay LawaanI siyudad sa Talisay niadtong Domingo alas 9:15 sa buntag.

Ang nagpakamatay mao si Bernie Gaven, 45, minyo, ug walay trabaho nga nagpuyo sa maong lugar.Subay sa inisyal nga imbistigasiyon nila ni SPO4 Daniel Tarucan sa Talisay City Police Office , nasayran nga si Gaven mitugan sa iyang pamilya bahin sa iyang sakit nga kidney nga nakapaluya sa iyang lawas.

Busa gitambagan kini ni Annabelle, 49, nga iyang asawa, nga dili lang maguol kay maulian ra siya sa maong sakit.

Apan matud pa sa asawa nga sa alas 8:00 sa gabii niadtong Sabado nananaw og salida sa telEbisyon   silang tibuok pamilya sa sala sa ilang balay   dihang nananghid si Gaven nga mouna   og katulog sa ilang kuwarto. 

Apan matud pa sa asawa nga dihang  misulod siya sa ilang CR nakurat na lang siya   kay sa iyang pagabli sa pultahan maoy iyang nakita   nga nagbitay na ang iyang bana nga wala nay kinabuhi samtang gihiktan og pisi ang liog niini kansang tumoy gigaid sa sagbayan sa ilang balay    

Dali silang nangayo og tabang   sa kapolisan uban sa mga kawani sa panglawas sa dakbayan kinsa mao nay mikonpirmar sa kamatayon ni Gaven.Ang kabanay niini kombinsido nga walay foul play ang kamatayon ni Gaven. (BANATNEWS)