Papa napusilan sa anak patay

CEBU,Philippines - Usa ka kawani sa Department of Environment and Natural Resources (DENR) ang giunay og pusil patay sa iyang anak nga nagtrabaho sa pabrika sa armas diha sa dakbayan sa Danao niadtong Domingo sa gabii sulod sa ilang balay sa sitio Portland sa barangay Kahumayan sa maong siyudadAng biktima mao si Romeo Barbero. 50, giingong nagtrabaho sa DENR samtang ang suspek mao ang anak niining si Junmie Barbero, 28, nagtrabaho sa Shooters Arm ManufacturingMatud ni PO2 Roselo Campo sa Danao City Police Station dihang nahinabi sa Banat News naglalis ang duha sa wala pa mahitabo ang pagpamusil.Gikatahong hubog niadtong tungora ang biktima ug naghubo nga nagbahasbahas sa ilang lugar hinungdan nga kini gibadlong sa suspek apan nasuko ang amahan hinungdan sa ilang panaglalis. Matud pa ni Campo giingong gibunalan og kahoy sa biktima ang suspek sa likod ug dihadiha mibunot sa armas ang suspek dayong pusil sa biktima apan naigo kini sa tiyan nga nilapos sa luyong bahin sa lawas ug dangtan og pipila ka gutlo namatay kini nga wala na madala sa tambalanan.Ang suspek nga anak boluntaryong mitahan sa iyang kaugalingon sa kapulisan apan wala iturnover ang armas nga iyang gigamit sa krimen, sumala pa nga buot lang untang pusilon sa suspek ang paa sa amahan apan natiyan kini.(BANAT)