BOPK magsaulog sa pag-atras ni Cuenco

CEBU, Philippines - Gibutyag ni Vice Mayor Joy Augustus Young, usa sa mga sakop sa Bando Osmeña Pundok Kauswagan (BOPK) nga dugay na niyang napanglantawan nga mopahuway gyud sa politika si kanhi kongresista Antonio Cuenco.

Suma pa ni Young nga taud-taod na sa politika si Cuenco hinungdan nga makahibalo na kini motan-aw ug maniid sa iyang kahimtang.

Nagduda ang bise mayor nga   gi-tayming niini ang pag-anunsyo bahin sa iyang pag-atras nga wala si Mayor Rama aron maminosan ang kauwaw sa Team Rama.   

Si Cuenco usa ka kanhi sakop sa BOPK ug mitapon sa Team Rama.

Si Rama kinsa atua sa China alang sa opisyal nga biyahe, sa iyang pagkasayud sa hukom ni Cuenco miingon nga tigumon niya ang iyang mga kauban sa partido aron hisgotan ang ihulip sa gibakanteng puwesto ni Cuenco.

Hinuon gipasalig sa mga supporter ni Cuenco nga dili sila mobiya sa ilang suporta sa tanang kandidato sa Team Rama bisan wala na si Cuenco.

Sayo ang pangulo sa BOPK nga si Kongresista Tomas Osmeña mipadayag nga dili usa ka bag-ong butang alang kaniya ang pagbiya ni Cuenco sa politika sanglit daan na niya kining napulsohan.

Miingon si Osmeña nga nakaamgo si Cuenco nga takilid ang  iyang kahimtang hinungdan nga mintras sayo pa miatras nalang kini.

Samtang ang mga sakop sa Team Rama nagpadayon gihapon karon sa matag gabii nila nga pulong-pulong ug nagpaabot sa opisyal nga pamahayag sa mayor inigbalik niini dinhi sa Sugbo gikan