Archival usa sa Pitong Pinoy Awardee

CEBU, Philippines – Tungod sa tinguha nga mailhan ang mga Pilipinong adunay nahatag nga dakong kaayuhan sa nasudnong Pilipinas, naumol ang Pitong Pinoy Awardee The Search for Modern Day Heroes gikan sa 149 ka nominado.

Si kanhi konsehal sa syudad sa Sugbo Engineer Nestor Archival nagkanayon kagahapon atol sa nahitabong Tapok-Tapok sa Sugbo nga gipahigayon didto sa NS Royal Pension nga siya mao ang usa sa napiling nominado.

Matud niya nakakuha siya og 36 porsiyentong botos maong naapil siya sa top 12 nga maoy kuhaan usab sa top 7 nga mamahimong peoples choice award.

Si Archival mibutyag nga ang mga mamahimong nominado niining maong programa mao kadtong mga Pilipino nga adunay dakong natampo sa nasud.

Mahimong mo-nominate ang si bisan kinsa sa tawong sa ilang tan-aw angayang mahatagan og pasidungog pinaagi sa Yahoo Philippines pinaagi sa pag-email.

Gibutyag usab ni Archival kagahapon sa dihang gipangutana siya sa Banat News nga nalipay siya kay wala siya magdahom nga may mo-nominate kaniya tungod sa iyang adbokasiya sa edukasyon alang sa mga bata.

Matag adlaw’ng Sabado ang panimalay ni Archival gihimong music house sa mga batang buot makat-on pagsulat og mga awit ug duna nay mga higayon nga nakatukar na ang mga kabataan sa mga inilang establisamento.

Si Archival mao karoy nag-una sa pito ka mga nominado nga nasulod na sa Peoples Choice award.

Ang Pitong Pinoy Search for Modern Day Heroes duha ka tuig na sukad kini gisugdan. ( EIM) BANAT NEWS