Septiyembre 5
Blessed Mother Teresa
1997—Mitaliwan ang nailang si Mother Teresa of Calcutta kinsa gideklarar nga Blessed Mother Teresa of Calcutta niadtong 2003. Si Mother Teresa binunyagan sa pangalang Agnes Gonxha Bojaxhiu nga gipanganak sa Albania niadtong Agosto 26, 1910 . Siya naila tungod sa iyang debosyon pagtabang sa mga kabus ug maoy mitukod sa Missionaries of Charity. Siya namatay sa edad nga 87.
Black September
1972 – Giatake sa mga teroristang Arabo nga gitawag og Black September ang mga delegado sa Israel nga misalmot sa Munich Olympics sa Germany. Gipatay sa mga terorista ang duha ka mga Israeli athletes, ug sila midemandang pabuhian ang kapin sa 200 ka mga kauban nilang Arabo nga natanggong sa mga prisohan sa Israel. Apan atol sa pagbalhin sa mga terorista sa mga hostages ngadto sa usa ka helicopter giatake sila sa mga polis ug napatay ang tanang nahibiling hostages ug ang tulo ka terorista.