Transport company gitulis

CEBU, Philippines - Duha ka armadong mga lalaki ang misulod sa usa ka transport company ug mitulis sa kinitaang P120,000 sa maong kompanya diha sa Soriano Subdivision, Brgy. M.H del Pilar, Iloilo City niadtong Sabado sa hapon.

Ang gibiktima sa duha mao ang Susie Tours, Inc., usa ka transport company nga namasahero sa Iloilo City ngadto sa Iloilo International Airport sa Cabatuan ug Iloilo –Antique nga rota. Ang gihulagway nga simple apan planadong pagpanulis wala gani mabantayi sa kasikbit nga buhatan sa maong kompanya.

Sumala pa sa usa sa mga kawani nga si Joemarie Osunero nanulod ang duha dayong tion og armas ug kutsilyo dayong limas sa kwarta sa ilang drawers ug unom ka cellphone sa lima ka trabahante dayong bahad nga labayon nila og granada ang opisina kung dunay maglangas.Si Police Officer 2 Aljun Delgado, nagkanayon ilaha pang ipatan-aw sa mga trabahante ang ilang rogue’s gallery. Nasuta usab nga walay closed circuit television (CCTV) cameras sa maong buhatan ug wala usab silay gwardiya.

Gisusi pa sa kapolisan kung parehong mga tulisan ang miigo usab sa Western Union remittance center, Benigno Aquino Jr. Ave. sa Mandurriao usa ka bulan na ang nakalabay, giingong may pagkaparehas ang modus operandi sa duha. Nadala sa maong pagpanulis ang P200,000.(EIM) BANAT NEWS