Mana: Bitoy use the word bazar in a sentence?
Bitoy: Mam I got 95 grade in Mathematics
Mana: Asa man ang bazar ana?
Bitoy: Mam sad oy ka klaro na, 95 gud ako grado so bazar gyud ko (Toink!/Aguy).
Hehehehehehehehehehehehehehehe!
Magpiyesta ang Regional Complex sa ABS-CBN Cebu ugmang adlawa Septiyembre 1 pagtimaan sa ika 25 anyos nga kasumaran sa ABS-CBN sa Sugbo.
Nia ang lista sa mga kalihokan ugmang adlawa.
• Alas 7 sa buntag hangtod alas 12 sa udto Agro-Fair
Nagkadaiyang lagutmon, utanon ug prutas ang inyong mapalit sa ubos nga presyo.
• Ala 1 hangtod alas 5 sa hapon ang Kapamilya Basar
Ang matag butang mapalit sa tag 25 pesos, gawas sa mga aplayanses ug mga bililhon nga mga butang sa mga personalidad sa TV Patrol Central Visayas, Kapamilya Winner ka, DYAB Abante pa Bisaya ug sa MOR lingaw sobra nga ipaubos og subasta.
• Alas 5 ang santos nga misa ni Pader Bernard Oyao sa Birhen sa Guadalope
• Alas 6 ngadto sa alas 7 sa gabii ang Kapamilya Kumbira.
Saw-an sa matag kapamilya ang matag balon sa usag-usa apil na ang mga donasyong pagkaon gikan sa mga nagpakabanang kapamilya .
• Alas 7 ang pagsubasta sa mga bililhong butang sa mga personalidad sa ABS-CBN Cebu dungan sa Variety Show nga pasiugdahan sa mga lokal kapamilya star kutob alas 8:30 sa gabii.
• Alas 8:30 ang sad-sad kun disco sa MOR 97.1 Lupig Sila Lingaw Sobra. Bongga nga pagtimaan sa ika 25 nga kasumaran sa ABS-CBN Cebu. Usa ka adlaw nga lingaw-lingaw pagbukas sa usa ka tuig nga mga kalihokan pagtimaan sa silverasyon. Sa kapamilya basar duha lang ang importante nga lagda, Matag kapamilya makapalit lang og usa ka gatos sa tag 25 nga item kon gusto ka pang modugang pwede kang makalinya pagbalik samtang ang ikaduha ikaw ang magdala sa imong shopping bag kun mahimo paper bag ug dili plastic ang dad-on. Ang kapamilya basar nagikan sa donasyon sa mga kapamilya. Ang halin itabang sa mga pasiyente nga modangop sa mga programa sa DYAB. Sa Kumbira sa Kapamilya kinahanglan nga magdala ka og pagkaon in short BYOP. Ang imong pagkaon ug ang iyang pagkaon apil ang akong pagkaon maoy atong saw-an. Pangkapamilyang silverasyon, Pagtimaan nga ang sentro mao gihapon ang tahas pagpatigbabaw sa interes sa mga nanginahanglan. Paghatag og kahigayonan sa mga dili makahimo sa mga mahalong butang ug pagpakita nga ang kahiusahan dili imposible og nga dako og mahimo alang sa kalamboan.Busa kita kita ta mga kapamilya ugma. (emailad:mailto:jomar_bellita@yahoo.com)