May napili nang ka-tandem si PJ Garcia

CEBU, Philippines - Aduna nay napilian ang One Cebu Party nga maoy mamahimong runningmate ni One Cebu gubernatorial candidate 3rd District Rep. Pablo John ‘PJ’ Garcia sa umaabot 2013 elections.

Kini ang gitug-an ni Kong. Pablo John PJ Garcia ngadto sa mga sakop sa media human kuhai og pamahayag kalabot sa kalambuan sa ilang pagpili kun si kinsa ang mapares niini.

Apan nagdumili gihapon kini sa pagbutyag sa pangalan sa iyang maka-tandem sa umaabot nga eleksyon apan iyang gitataw nga hapit na nila kining ipahibalo. Nasayran nga gikatakdang manumpa na karong Biyernes Agosto 31 sila si Mayor Ramon “Boy” Durano Jr.; Jesus Don Durano; ug anak ni Mayor Boy nga si Boboy Durano sa syudad sa Danao ubos sa One Cebu Party. Si Mayor Ramon “Boy” Durano Jr. mitug-an nga andam na ang tanan niining mga kaalyado sa maong syudad nga mohurar karong Biyernes.    - BANAT NEWS