CEBU, Philippines - Ang "Narrow Bridge" sign usa ka cautionary sign nga gibutang sa ‘diamond’ nga karatula ug yellow ang kolor niini. Kini nagpasabot gamay ang dalan sa unahan, posibleng one-way lang kini sama sa mga gagmay’ng taytayan. TIPS: Aron di madisgrasya kinahanglang mo-menor gyud ug tan-awon kung duna nay nakauna kinahanglang hatagan kini og lugar aron makalusot.
Ang traffic sign nga nagpakita og awto nga daw nag-ekis ekis ang dagan gitawag og “Slippery Road” sign. Dangog ang dalan tungod tungod kay posibleng dunay road repairs nga gihimo, duna ba kahay nayabo nga lana sa dalan, pag-awas sa mga sources sa tubig ug uban pa nga makapadangog sa dalan ilabi na sa mga aspaltadong dalan. TIPS: Pahinayan ang speed ug bantayan kanunay nga dili mopaspas og balik ang dagan aron dili mobabag ang sakyanan, ning paagiha makapaak og maayo ang traction sa ligid.