Tape recording
1938—Unang naimbento ug gigamit ang sikat kaniadtong tape recorder sa U.S. aron ipa-radio broadcast. Ang sapphire stylus engraved nga gitawag og Millertape giimbento ni James Arthur Miller sa Miller Broadcasting Company. Ang 1,000 ka tiil lang sa maong tape makasulod og 15-minutos nga programa nga mahimo ma-edit. Ang unang programa nga migamit niini gipalanog sa kahanginan sa sibyaanang WQXR, sa Interstate Broadcasting Company, sa New York City.
Krakatoa 36,000 nakalas
1883—Miulbo ang Mount Krakatoa nga usa ka bulkan sa Indonesia ug diriyot mipapas sa tibuok isla niini. Ang pagbuto mimugna og tsunami nga miabot ang balod sa Cape Horn sa South Africa ug mikalas og 36,000 ka tawo nianang panahona nga gamay pa kaayo ang populasyon sa mga nasud nga daplin sa dagat sa Indian Ocean. Ang pagbuto niini maoy gikonsiderar sa kasaysayan nga labing lanog tungod kay nadungog pa kini sa nasud sa Australia liboan ka kilometro ang gilay-on ug tang pagtay-og namatikdan hangtud sa nasud sa Britanya sa Uropa. Ang bagang aso ug abo niini nga misaka sa taas temporaryong mitabon sa kalangitan sa tibuok kalibutan sulod sa daghang katuigan nga nakapausab sa balanse sa kinaiyahan.