Aviatour miawhag nga di sila dayon hukman
CEBU, Philippines - Usa sa mga tinun-an ug nahimo nang pilot instructor sa Aviatour nga si Habib David Yakubu miawhag sa publiko nga dili una sila hukman base lang sa mga migawas nga balita.
Ang Nigerian nga si Yakubu, 26, produkto sa flying school sa Aviatour ug pilot instructor na niini sulod sa kapin upat ka tuig.
Kini maoy reaksyon niya kabahin sa mga negatibong report may labot sa pagkahagsa sa abyon luwan si Capt. Jessup Bahinting, co-pilot nga si Kshitiz Chand ug Sec. Jesse Robredo sa Masbate City.
“They should not judge us base on the information that they are getting from the media, the most of this are defined as really fact less,” ni Yakubu pa sa pakighinabi sa Banat News.
Matud ni Yakubu nga duna pay pending nga imbestigasyon sa nahitabong aksidente ug naghuwat usab sila sa resulta niini.
“Capt. Jessup is a wonderful pilot a very, very experienced one, and I’m sure he did everything by the book, he did everything that was right and that was expected of him as a pilot,” dugang ni Yakubu.
Si Antonio Juridini, 67, director for flight school training and safety sa Aviatour mibutyag sa Banat News nga sa pagsuspenso sa ilang operasyon apektado ang 180 nila ka mga estudyante diin 95 porsiyento niini mga langyaw.
Hinuon misabot sila niini tungod kay duna may nahitabong aksidente apan kun masuta nga wala silay kakulangon o kasaypanan sa ilang operasyon malibkas ra unya ang suspensyon. ( EIM) - BANAT NEWS
- Latest
- Trending
