Buko juice vendor gipatay

CEBU, Philippines - Nagpadayon ang manhunt operation sa kapulisan pag-ila ug pagsikop sa suspek nga mipusil patay sa usa ka buko juice vendor nga naninda daplin sa dalan sa barangay Sto. Rosario sa siyudad sa Bogo niadtong Miyerkules sa alas 11:00 sa buntag.

Ang biktima mao si Warren Prignas, 30, nagpuyo sa sitio Lip-og, barangay Guadalupe siyudad sa Bogo ug buko juice vendor samtang padayon pang giila sa kapolisan ang mamumuno nga nagtaptap sa nawong ug nag-jacket og itom nga luwan og motorsiklong walay plaka.

Matud ni PO3 George Osena sa Bogo City Police dihang nahinabi sa Banat News nag-timpla sa iyang buko juice daplin sa karsada ang biktima dihang giduol sa kriminal ug gidul-itan og pusil sa ulo.

Ang suspek daling misakay sa iyang motor nga gibilin sa unahan ug misibat pahilayo. Ang kapulisan naglisod pa pag-establisar sa motibo. (/EIM)   - BANAT NEWS