CEBU, Philippines - Moabot ngadto sa 37,000 ka mga kabus nga pamilya nga nagpuyo sa Siyudad sa Sugbo ang gipa-miyembro sa Philippine Health Insurance Corp. (PhilHealth).
Mipirma kagahapon si Mayor Michael Rama og usa ka kasabotan tali sa kagamhanan sa dakbayan sa Sugbo ug sa PhilHealth aron katabangan ang iyang mga konstituwente sa panahon nga dunay emerhensya ug madala sa tambalanan.
Nagkanayon si Rama nga importante kaayo ang koordinasyon sa nagkadaiyang ahensya sa gobiyerno aron makaangkon og maayong mga programa alang sa katawhan.
Mogahin og P22 milyones ang dakbayan alang sa maong programa. ( /EIM) - BANAT NEWS