Kawad-on sa nasud si Robredo-IBP
CEBU, Philippines - Nawad-an ang nasud og ‘outstanding public servant’ tungod sa kamatayon ni Department of Interior and Local Government Secretary Jesse Robredo sumala pa sa pamahayag sa Integrated Bar of the Philippines.
Sumala pa sa gipadalang pamahayag sa IBP, si Robredo nga mibarog isip representante sa maayong pikas nga bahin sa politika kinsa miserbisyo sa kasamtangang sistema apan maoy nahimong babag sa mga nagbinuang.
Si Robredo matud pa sa IBP maoy naghatag og paglaom nga ang mga progresibong politiko makahimo og dakong kausaban sa nasud.
“His death is a big loss to the brand of politics and professionalism that he exemplified.”
Karong mitaliwan na si Robredo dako ang pagsalig sa IBP nga ang legasiya sa kalihim sa maayong panggobiyerno mahimong modelo ug inspirasyon dili lang sa mga nanerbisyo sa gobiyerno kundili sa tanang mga Filipino nga naglaom og tinud-anay, de-kalidad nga pamunoan. – BANAT NEWS
- Latest
- Trending
