CEBU, Philippines - Dul-an na sa 40 ka kompaniya ug mga ahensya ang mipasalig nga mosalmot sa usa ka local job fair nga ipahigayon sa Kapitolyo didto sa Cebu International Convention Center (CICC) sa Agusto 26, 2012. Kini sa tinguha nga makakuha sila og kwalipikadong trabahante nga gikinahanglan nila.
Matud ni Capitol Consultant on Labor Market Information Dr. Mathea Baguia nga lain na usab kini nga kahigayonan sa paghatag og trabaho sa mga wala pay trabaho pinaagi sa gipasiugdahang proyekto ni Governor Gwendolyn Garcia nga mao ang Public Employment Service Office (PESO)-CAPITOL.
Matud ni Dr. Baguia nga nagkalainlaing matang sa trabaho ang mahimong kaaplayan sa mga aplikante.
Mapahimuslan gihapon sa samang adlaw ang mga serbisyo sama sa pagkuha og mga clearance sa NBI, NSO, SSS ug PHILHEALTH.
Gawas niini moserbisyo usab sa maong higayon ang DTI7 ug TESDA. (BANAT NEWS)