Gipusil angol gikang mikaon

CEBU, Philippines - Talandugon ang kahimtang sa usa ka ulitawo human kini pusila didto sa Sitio Datag, barangay Maribago, dakbayan sa Lapulapu sa miaging gabii

Ang biktima mao si Angie Aying, 26, ulitawo, ug residente sa maong dapit.

Sumala sa kapolisan nga ang biktima nananghid sa iyang amahan nga si Ananias Aying nianang alas 2:00 sa kadlawon nga mokaon sa usa ka tindahan dili layo sa ilang balay.

Apan sa paglabay sa pipila ka gutlo nakurat na lang ang amahan dihang gipahibawo siya nga gipusil sa wala hiilhing kriminal ang iyang anak.

Ang mga nakasaksi mibutyag nga nagpaingon na sa ilang balay ang biktima human og kaon dihang kalit   kining gipusil sa usa ka lalaki nga walay nakaila.

Ang biktima dali nga gihatud sa tambalanan nga ubos sa talandugon nga kahimtang.

Samtang padayon pang gipangita sa kapolisan ang kriminal. (BANAT NEWS)