Mga protektadong lugar gipaila sa DENR

CEBU, Philippines - Ang Department of Environment and Natural Resources (DENR) 7 miila sa grupo nga gitawag nga Protected Area Superintendents (PASu) sa 24 ka Protected Areas (PA) sa Central Visayas.

Mao kini ang gibutyag ni DENR-7 Executive Director Isabelo Montejo human niya luwati ang usa ka regional special order number 484 niadtong Hulyo 24 ning tuiga nga opisyal nga napublikar niadtong Agosto 13 nga nagdestino sa mga opisyal sa DENR ngadto sa posisyon sa PASu sa nagkadaiyang dapit sa nasud.

Iya kining gihimo human sa panagtagbo niadtong Hulyo 20 ning tuiga kauban sa mga opisyal sa Provincial ug Community Environment and Natural Resources Officers (P/CENROS) aron mapalig-on ang panaghiusa sa PASu ug sa mga field offices sa DENR-7 sa paghatag og teknikal nga giya sa mga dapit nga angay protektahan.

Ubos sa bag-ong set-up, si Richard Abella sa Provincial Environment and Natural Resources Office (PENRO) Cebu mao nay mahimong PASu sa Central Cebu Protected Landscape (CCPL) ug si Florentino Supino Jr. maoy assistant PASu.

Si Community Environment and Natural Resources Officer (CENRO) Cebu City Anastacio Caballejo maoy moatiman sa duha ka PAs nga gilangkuban sa Olango Island Wildlife Sanctuary (OIWS) ug Guadalupe Mabugnao-Mainit National Park (GMMNP) sa Guadalupe, Carcar, Cebu.

Si CENRO Moreno Tagra sa Carmen, Cebu bag-ong PASu sa Bantayan Island Wilderness Area (BIWA) ug usab sa Camotes Island Mangrove Swamp Forest Reserve (CIMSFR).

 Sa Negros Oriental gitudlo si Mario Aragon, CENRO sa syudad sa Dumaguete nga maoy modumala sa maong lugar uban ang duha ka PAs nga gilangkuban sa Apo Island Protected Landscape/Seascape (AIPL/S) sa Dauin ug Balinsasayao Twin Lakes Natural Park (BTLNP) samtang si Viernov Grefalde maoy PASu sa Tanon Strait Protected Seascape (TSPS). 

Sa Bohol, napulo sa 16 ka PAs dumalahon ni CENRO Eusalem Quiwag sa syudad sa Tagbilaran nga gilangkuban sa Rajah Sikatuna Protected Landscape (RSPL), Chocolate Hills Natural Monument (CHNM), Alburquerque-Loay-Loboc Protected Landscape/Seascape (ALLPL/S), Panglao Island Protected Seascape (PIPS),

Loboc Watershed Forest Reserve (LWFR), Alijawan-Cansuhay-Anibongan River Watershed Forest Reserve (ACARWFR), Tubigon Group of Islands Wilderness Area and Mangrove Swamp Forest Reserve (TGIWAMSFR), Clarin Group of Islands Wilderness Area (CGIWA), Calape Group of Islands Wilderness Area and Mangrove Swamp Forest Reserve (CGIWAMSFR), ug usab Cabilao-Sandingan Islands Mangrove Swamp Forest Reserve (CSIMSFR). ( WC) (BANATNEWS)