Sa Kasaysayan Karon: Agosto 18

Manor Hotel Fire

2001 – Miulbo ang usa ka dakong sunog sa Manor Hotel sa Quezon City nga mikalas og 75 ka tawo ug 75 ang na-missing. Gibasol sa mga imbestigador ang kakulang sa fire exits sa maong hotel ug sagad sa mga nakalas mga guest nga na-trapped sa ilang mga lawak ug napuot sa bagang aso. Nasuta nga ang mga bintana sa maong hotel dunay mga kabilya o grills pangontra kawatan.

3.7 milyon nakalas sa baha

1931 –Moabot sa 3.7 milyones ka mga tawo ang nakalas   sulod sa pipila ka bulan tungod sa pag-awas sa Yangtze River sa China niadtong Agosto 18,1931. Ang Yangtze River usa sa mga dagkong mga suba sa maong nasud nga miawas sa maong adlaw tungod sa kadaotan sa panahon. Gawas sa Yangtze River miawas usab ang ubang mga dagkong suba nga mao ang Yellow River ug Huai River. Ang maong pagbaha maoy gikonsiderar hangtud karong panahona nga maoy labing grabeng katalagman sa kasaysayan.