CEBU, Philippines - Napusilan angol sa amahan ang iyang anak nga iyang gikalalis didto sa ilang pinuy-anan sa Sitio Cogon barangay Guinsay ,siyudad sa Danao kagahapon sa alas 2:00 sa kaadlawon.
Ang biktima mao si Felmar Lao, 31, minyo, way klarong tabaho nga taga barangay Lomboy, sa maong dakbayan.
Si PO2 Roselo Campo sa Danao City Police Station mibutyag nga ang nakapusil nga si Marcelo Lao, amahan sa biktima giingong naupsan sa pailob sa iyang anak nga nanghagis sa ilang balay hinungdan nga nagkalalis sila ug iyang napusilan.
Ang biktima nga naigo sa ubos sa hawak gihatud dayun sa mga kabanay ngadto sa Danao City District Hospital ug luwas na sa piligro.
Samtang ang amahan nga nahadlok nga mapriso daling misibat ug padayon pang gipangita sa kapolisan. - BANAT NEWS