P100 mil nadawat sa Kawayan, Dalaguete
CEBU, Philippines - Gitunol dayon ni Governor Gwendolyn Garcia ang P100 mil nga hinabang pinansiyal sa mga kulturanhong kalihokan sa mga opisyales sa barangay Kawayan, lungsod sa Dalaguete.
Si Kapitan Ricardo Villahermosa sa barangay Kawayan mipasalig nga ipadayon nila ang Banikanhon Festival matag Mayo sa parokya ni Sta. Monica.
Walo ka barangay ang nagtigi sa Banikanhon Festival nga gisaksihan usab sa bagang duot sa katawhan didto sa CICC.
Kahinumdoman nga ang maong contingent sa Dalaguete pirmeng makadaog sa maong kalihokan sulod na sa nagsunod-sunod na nga tulo ka tuig.
Nahimo gani kining inspirasyon sa Pasigarbo sa Sugbo. Sayo niini mihatag si Governor Garcia og multicab ug hinabang salapi aron ipaayo sa barangay hall sa Kawayan, Dalaguete.
Nagplano usab ang mga opisyal sa nahisgutang barangay nga magtukod og merkado publiko pinaagi sa abag sa Kapitolyo. ( /WC) - BANAT NEWS
- Latest
- Trending
