Choppers ni P.Noy nag-emergency landing

CEBU, Philippines - Napugos sa pagtugpa sa usa ka lapad nga dalan ang gisakyang helicopters sa grupo ni Presidente Benigno Aquino III uban sa mga sakop sa iyang gabinete samtang sila padulong untang mobisita sa mga evacuation centers sa Central Luzon.

Human gyud sa hitabo, si Presidential Communications Development and Strategic Planning Office Secretary Ricky Carandang mi-tweet nga ‘poor visibility’ sa dapit mao ang nag-unang rason nga nakadesider ang mga piloto nga motugpa sa maong dalan.

"Confirming the president's party had to make an unscheduled landing on SCTEX (Subic Clark Tarlac Expressway) after visibility in the choppers deteriorated. All are safe," matud pang Carandang nga gikutlo sa GMA News.Online.

Hinuon walay namugnang kalangay sa dagan sa trapiko ang emergency landing tungod kay didto sila mitugpa sa menus kaayo ang traffic.

Sumala pa lima ka choppers ang gisakyan sa grupo ni Aquino niadtong tungora ug padulong unta sila sa evacuation center sa Paniqui, Tarlac. ( /EIM) - BANAT NEWS