7,000 ka Talisaynon misaksi sa Ironman triathlon

CEBU, Philippines - Ang karsada sa Cebu South Coastal Road (CSCR) gidagsa sa gibana-banang 7,000 ka tawo nga misaksi sa Ironman triathlon nga gisalmotan usab sa mga artista kagahapon

Si Gerard Lariego, hepe sa mga traffic enforcer sa dakbayan sa Talisay mibutyag sa Banat News nga sa pagkakita sa mga tawo sa mga biker   nga sila si Piolo Pascual, Mateo Guidecelli. Maricel Laxa, Kim Atienza ug Senador Pia Cayetano misuliyaw sa kalipay ang katawhan.

Ang mga estudyante sa nagkalain-laing tunghaan sa siyudad uban sa mga tanod sa barangay Tanke, San Roque, Cansojong, San Isidro, ug Lawaan II maoy gitahasan isip sa kahapsay sa mga nanan-aw.

Ang Ironman usa ka dakung kalihokan sa triathlon nga gisalmotan usab sa mga langyaw nga atleta nga swimmer, runner ug cyclist.

Ang lumba sa langoy ug dagan didto ipahigayon sa dakbayan sa Lapu-Lapu samtang ang bisekleta mitadlas sa dakbayan sa Mandaue, Sugbo ug Talisay dayon mibalik kini ug didto taposa sa Lapu-Lapu. (BANAT NEWS)