Tulo ka polis sa CCPO pasidunggan sa Crame

CEBU, Philippines - Gihagit ni Police Regional Office-7 director Marcelo Garbo ang tanang kapolisan nga suhiron ang gipakitang panerbisyo ni PO2 Elrich Jourdin Catacutan kinsa natudlong Most Outstanding Non-Commission Officer sa kapolisan didto sa Camp Crame.

Matod pa ni Garbo nga usa kini ka dakong dungog sa ilang buhatan nga usa ka sakop sa PRO-7 ang napiling Most Outstanding PNCO.

“My challenge is to imitate what a Police Officer 2 Catacutan has done, in fact, dapat this was your attitude to give quality service to our country men,” matud pa ni Garbo.

“We are happy that one of our policemen personnel in person of PO2 Catacutan being judge as the Best PNCO indicates that if you do good in the police service you will be rewarded,” matud pa ni Garbo.

Kahinumduman nga sa miaging adlaw si Cebu City Police Office Director Ramon Buenafe mipahibalo nga si Catacutan maoy napiling Most Outstanding PNCO uban sa duha usab ka mga polis nga sila si PO1 Roy Ceniza ug PO1 Ernesto Silva sa mas ubos nga pasidungog.

Ang tulo gipasidunggan mahitungod sa malampusong pagpatuman sa balaod batok sa grupo sa notadong tulisan nga Cabando Robbery Gang nga misuway og tulis sa China Bank teller diha sa Robinsons Mall. Si Catacutan napusilan sa maong hitabo, duha ka gwardiya usab ang nakalas apan tulo ka tulisan ang napatay sa grupo ni Catacutan.

Samtang ning bag-ohay lang nadakpan ang gitumbok nga lider nga si Jun Cabando ug duha niini ka mga kakunsabo. ( /EIM)   - BANAT NEWS