Sa Kasaysayan Karon: Agosto 2

270 nakalas sa linog

1968— Usa ka magnitude 7.3 nga linog ang miigo sa Casiguran, Quezon ug mikalas og 270 ka tawo, liboan ang nangaangol ug nawad-an og pinuy-anan samtang minilyon usab ang namugnang danyos.

Hitler nahimong Fuhrer

1934— Gideklarar ni Adolf Hitler nga siya maoy labing gamhanang lider o Fuhrer sa nasud sa Germany. Ang usa ka Fuhrer nagdala sa papel sa usa ka presidente ug chancellor sa nasud. Gideklarar niya ang kaugalingon isip Fuhrer human mamatay ang pangulo sa Germany nga si President Paul Von Hindenburg. Si Hitler, duha ka tuig ang milabay maoy nagsugod sa ikaduhang Kalibutanong Gubat dihang giatake niini ang mga silingang nasud sama sa Austria, France, Belgium ug uban pa.

Pag-atake sa Iraq sa Kuwait

1990— Kalit nga giatake sa 100,000 nga sundalong Iraqi ang nasud sa Kuwait gumikan sa panag-ilog sa tinubdan sa lana diha sa ilang mga utlanan. Ang mga Iraqi mitabok sa utlanan sa Kuwait subay sa kamandoan sa ilang pangulong si anhing Saddam Hussein. Si Hussein mibahad nga himuon niyang lubnganan ang Kuwait City kung dunay moapil-apil nga ubang nasud. Wala siya masayop niini, nahimong lubnganan sa iyang mga sundalo ang Kuwait human moalma ang mga Arab countries ug ang Western powers nga gitawag nga Operation Desert Storm.  - BANAT NEWS