Dolphy himoong national artist

CEBU, Philippines - Human sa kamatayon sa Comedy King Rodolfo “Dolphy” Quizon, usa ka resolution ang gipapasar sa Hunta Probinsiyal sa Sugbo nga nag-indurso sa nahisgutang artista nga mamahimong national artist.

Si Bokal Arleigh Jay Sitoy kinsa maoy chairman sa committee on Culture and Arts sa Hunta Probinsiyal maoy miduso sa maong resolution nga giuyonan usab dayon sa kinatibuk-ang miyembro sa nahisgutang konseho.

 Ang unod sa maong resolusyon nagbatbat sa  daghang mga pelikula si Dolphy nga nakalingaw kaayo sa mga katawhang Filipino.

Sa maong mga pelikula sa hari sa   komedya sa Pilipinas naghatag usab og leksyon o mga pagtulun-an sa tanan sa natad sa panginabuhi, politika, ekonomiya, ug uban pa. (BANAT NEWS)