11-anyos gilugos og 14-anyos

CEBU, Philippines - Gidakop ang usa ka 14-anyos nga batang lalaki human kini pasanginling milugos sa 11-anyos nga silingang babaye sulod sa traysikol pasado alas-11 sa miaging gabii diha sa usa sa mga barangay sa syudad sa Mandaue.

Ang biktima nga nagpangidaron og 11-anyos ug nagtungha sa grade 5 samtang ang suspetsado nagpangidaron og 14-anyos nga nagtungha usab sa high school.

Sa pakighinabi sa Banat News ni PO1 Maria Katrina Sanchez, Womens Desk sa Mandaue City Police Office mibutyag kini base sa ilang nakuha nga impormasyon gikan sa biktima nga gisugo sa inahan nga apason ang iyang manghod sa usa ka tindahan duol sa ilang panimalay.

Apan wala magkita ang biktima ug ang manghod hinungdan nga mibalik sa agi ang biktima apan dihang naagian niini ang suspetsado duol sa usa ka traysikol nga nahimutang sa ngitngit nga lugar gibunlot siya niini pasulod sa sidecar sa traysikol.

Diha gilugos sa 14-anyos ang biktima ug tungod sa kahadlok sa naulahi wala na kini makasinggit pa. Matud pang Sanchez na-traumatized ang bata tungod kay hapit di na makatingog.

Human sa pag-alam-alam mibutyag ang bata si kinsa ang miabuso kaniya hinungdan sa pagkasikop sa 14-anyos kinsa gi-turnover ngadto sa Department of Social Welfare and Development (DSWD) kini aron ipaubos sa counseling.

Gitun-an pa sa kapolisan kung buhaton sa maong kaso samtang gidala sa tambalanan ang biktima. (BANAT NEWS)