CEBU, Philippines - Namatay dihadiha ang usa ka motorista human kini mapaslak sa ilawom sa 10 wheeler truck nga iyang gikasugat sa national highway sa barangay Tabok, dakbayan sa Mandaue sa miaging kaadlawon.
Ang biktima mao si Ricky Hagdon Cortes, 30, minyo, nga taga sitio Sudlon sa barangay Maguikay, sa maong dakbayan.
Si SPO4 Apolinario Niez, imbestigador sa traffic division sa Mandaue City Police Office (MCPO) mibutyag sa Banat News nga paingon na sa ilang balay sa Consolacion ang biktima dihang pag-abot sa maong dapit gidasmagan kini sa 10-wheeler truck ug napaslak siya sa ilawom sa maong trak busa nagupok siya lakip na ang iyang motorsiklo ug ang iyang helmet ug dead on arrival na kini pag-abot sa Mandaue District Hospital.
Ang suspetsadong driver nagkagulkol na karon sa prisohan ug nagpaabot sa tukmang sumbong nga iyang atubangon. (BANAT NEWS)