Gituohang hubog nalumos

CEBU, Philippines - Usa ka 65 anyos nga mananagat napalgang patay nga naglutaw-lutaw sa kadagatan sa barangay Talaga, lungsod sa Argao kagahapon sa alas 10:30 sa buntag.

Ang biktima giila nga si Almorico Villafuerte, 65, ulitawo, ug usa ka mananagat.

Si PO2 Benjamin Gerozaga sa Argao Police Station mibutyag sa Banat News nga gituohan sa mga paryente nga ang biktima kinsa ilado kaayo sa iyang pagkapalahubog sa ilang lugar gituohang   nahagbong   sa dagat ug nalumos samtang nanagat.

Giawhag sa kapolisan ang mga kabanay niini nga ipa-autopsy ang biktima aron masuta nga walay foul play ang iyang kamatayon. (BANAT NEWS)