CEBU, Philippines - Pipila ka mga taxi drayber ang wala makauyon sa planong pagpakunhod sa flagdown rate sa ilang metrohan tungod kay wala may kausaban sa presyo sa ilang abang sa taksi.
Sa gihimong pagpangutana sa Banat Manobela pipila kanila mipadayag nga wala silay problema kun paubsan sad ang abangan tungod kay mius-os na ang presyo sa gasolina.
Kung dunay wala makauyon, duna say miangkong di kaayo sila apektahan niini tungod kay ang ilang gihunahuna mao ra ang gastuhon sa operators sa pagpausab na sad sa calibration sa metrohan.
Apan duna say nakauyon nga mabarato ang flagdown rate sa taksi tungod kay sa pagkakaron menus na kaayo ang manakay kanila.
Nasayran nga ang Land Transportation Franchising and Regulatory Board (LTFRB) nagplanong mag roll back sa pletihan sa mga taxi bisan pa man og walay gipalabang nga petisyon ang Sugbo kalabot sa pag-roll back sa flag down rate sa taxi. - BANAT NEWS