Trabahante giluba patay

CEBU, Philippines - Usa ang patay sa pagpanunggab samtang usa usab ang naangol sa pagpamusil nga nahitabo sa managlahing dapit ning dakbayan sa Sugbo.

Ang namatay mao si Carlos Espinosa Jr. nga trabahante sa usa ka construction site sa Almendras St.sa Kasambagan samtang ang naangol mao si Karl Chanes Lenz, 28.

Sa imbestigasyon ni SPO1 Victor Ayuman sa Homicide Section sa kapolisan sa dakbayan sa Sugbo nag-inom si Espinosa ug ig-agaw uban ang grupo sa mga batan-on.

Apan kalit lang silang nagkabingkil ug nagsinumbagay ug giulang sa mga bugnaw og hunahuna sa ilang grupo. Apan nianang pagkabuntag nadiskubrehan nalang nga si Espinosa nga dunay mga samad dinunggaban sa kalawasan ug patay na. - Katrina Justine A. Chan, STC/EIM (BANAT NEWS)