200 election officers ipadala sa ARMM

CEBU, Philippines - Ang Commission on Election-Region-7 ipadala ngadto sa Autonomous Region Muslim Mindanao (ARMM) aron maoy mopahigayon sa napulo ka adlaw nga general registrations sa mga botante.

Si Comelec Cebu Provincial Supervisor Atty. Marco Lionel Castillano mibutyag sa Banat News nga nakadawat sila og kamandoan gikan sa kaulohan nga sila maoy mopahigayon og general registration sa ARMM ug adto sila ibutang sa Lanao del Norte.

Matud pa ni Castillano nga usa ka gatos ka election officers ug usa usab ka gatos nga assistant election officers ang ilang ipadala didto.

Gipadayag ni Castillano nga adunay kahadlok sila nga gibati apan ila lang kining ipadaplin tungod kay ilaha kining trabaho ug duna usab silay igong seguridad.

Gawas pa niini dad-on usab nila ang 100 ka mga Precinct Count Optical Scan (PCOS) machines sa rehiyon-7 alang sa registrations karong Hulyo 9 ngadto sa Hulyo 18. (BANAT NEWS)