CEBU, Philippines - Usa ka lalaki ang nalumos samtang kini namasol diha sa kadagatan sa barangay Sacsac, Pinamungajan, Cebu kagahapon sa buntag.
Ang namatay mao si Elasio Delantes, 72, molupyo sa maong lugar kansang patay’ng lawas nakit-an ni Juan Delantes diha na sa lapyahan sa dagat nga naglutawlutaw.
Sa imbestigasyon sa kapolisan nasayran nga si Delantes nakit-ang namasol sa dagat sayo kagahapon sa buntag apan dihang nakit-an kini pag-usab patay na kini.
Si PO3 Renante Mahusay mibutyag sa Banat News nga base sa nakuha nilang impormasyon adunay balatian sa kasingkasing si Delantes ug gidudahang mao kini hinungdan sa kamatayon niini. (BANAT NEWS)