Sa kasaysayan karon Hunyo 20

1947— Nahimong siyudad ang Dagupan ug Lipa City pinasikad sa Republic Acts 117 ug 162 respectively;

1952—Samtang nahimo usab nga siyudad ang Tacloban pinasikad sa Republic Act 3068

1865—Natawo si George Redmayne Murray ang English physician nga maoy unang mihimo og paagi unsaon pagtambal ang sakit nga severe hypothyroidism sa tawo. Niadtong 1891, nakugang sa iyang pamaagi ug naglisod pagdawat ang mga kaubanan niyang doktor tungod kay ang iyang gigamit pagtambal sa maong sakit mao ang duga gikan sa thyroid sa karnero nga gisagolan og glycerine. Human niini iyaha kining gi-inject sa babayeng dunay advance stage of myxoedema. Milampos kini ug ang maong pasyente nasumpayan pa ang kinabuhi og 28 ka tuig. Ang nahimo ni Murray giisip nga kalamposan sa medisina, hinuon duna nay modernong pamaagi pagtambal sa maong sakit karon.

1939 — Unang milupad ang eroplanong migamit og makina sa rocket nga gitawag kaniadtong rocket airplane. Si Ernst Heinkel ang German aeronautical engineer ug rocket scientist migamit og liquid-fuelled rocket sa iyang eroplano ug napalupad kini sa Peenemunde, Germany sulod sa 50 segundos, hinuon wala magkainteres ang gobiyerno maong gihunong ang pagpalambo niini.