NNC mipadasig utan ipakaon

CEBU, Philippines - Ang National Nutrition Council (NCC) gitakdang magsaulog sa 2012 Nutrition Month karong Hulyo ug sugdan kini pinaagi sa pagbukas sa programa nga Vegetable Hour sa alas 8:00 sa buntag sa Hulyo 2, 2012.

Ang kasaulogan nga may tema nga “Pagkain ng gulay ugaliin, araw-araw itong ihain”   magpadasig sa katawhan sa pagkaon kanunay og utanon.

Sumala sa NNC nga gihimo nila ang maong tema aron kalikayan sa katawhan nga hingaon og utan ang nagkalain-laing sakit sama sa cancer, cardiovascular diseases ug diabetes mellitus nga maoy nag-unang matang sa sakit nga naghulga matag karon ug unya sa kinabuhi sa katawhan sa nasud.

Gituohan sa kagamhanan nga kun matudloan sa mga ginikanan ang mga kabataan sa pagkaon og utan kanunay, dako kaayo kini og ikadalit nga kaayohan sa panglawas sa ilang mga anak . (BANAT NEWS)